Fri. Mar 29th, 2024

हेलिकप्टर दुर्घटना हुँदा इरानमा पाँचजनाको मृत्यु

२१ फागुन, काठमाडौँ –

आपत्कालीन औषधि र चिकित्सकहरु बोकेको हेलिकप्टर दुर्घटना हुँदा इरानमा सोमबार पाँचजनाको ज्यान गएको छ । हेलिकप्टरमा सवार सबैजनाको ज्यान गएको अधिकारीहरुले पुष्टी गरेका छन् । हेलिकप्टर इरानको दक्षिणपश्चिमी ग्रामिण क्षेत्रमा दुर्घटना भएको हो ।

गर्भवती महिलालाई आपत्कालीन उपचारका लागि लैजान खटिएको हेलिकप्टर दुर्घटनामा परेको राज्यद्धारा सञ्चालित इरानी टेलिभिजनले जनाएको छ ।

“आपत्कालीन सेवाको आवश्यकता परेकी २६ वर्षीया गर्भवती महिलाको ज्यान जोगाउनका लागि गएको हेलिकोप्टर आफैँ दुर्घटनामा परेको हो,” आपत्तकालीन सेवा प्रमुख पिर होसैन कुलिभान्डले भने ।

चालक दलका तीनजना र सहयोगी दुई जना गरी पाँच जनाको दुर्घटनामा परी मृत्यु भएको अधिकारीहरुले जनाएका छन् । पहाडी क्षेत्रमा रहेको ट्रन्समिसन टावरमा ठोक्कीएर होलिकोप्टर दुर्घघना भएको राज्यद्धारा सञ्चालित समाचार संस्था इर्नाले जनाएको छ ।

इरानमा बेला बेलामा यस्ता हेलिकोप्टर तथा विमान दुर्घटना भइरहने गरेका छन् । अहिले दुर्घटना भएको क्षेत्रमा यसअघि पनि दुर्घटना भएको अधिकारीहरुले बताएका छन् ।

२०७५ फागुन २१ गते प्रकाशित

About The Author

Loading...

अन्य समाचारहरु: