महादेवस्थान र बेनिघाट गाविसका चेपाङलाई न्यानो कपडा

२५ पुस धादिङ–चिसोबाट प्रभावित बनेका दक्षिण धादिङका महादेवस्थान र बेनीघाट गाउँ विकास समितीका चेपाङहरुलाई न्यानो कपडा वितरण गरीएको छ ।

लायन्स क्लबस् ईन्टरनेशनल डिस्ट्रीक ३२५ द्य वान नेपालको लायन वान न्यानोकपडा वितरण कार्यक्रम अन्तरगत शुक्रबार १ सय ४१ थान कम्मल वितरण गरीएको समाजसेवी शम्भु त्रिपाठीले बताए ।

यसैगरी ज्याकेट, टोपी ,स्वेटर, टाउजर लगायतका सामाग्री वितरण गरीएको समाजसेवी शम्भु त्रिपाठीले जानकारी दिनुभयो । न्यानो कपडा वितरण कार्यक्रममा डिष्ट्रीक एड्भाईजर विष्णु लम्साल, दुर्गा आचार्य, ग्लोबल टाउनका अध्यक्ष बलराम सुबेदी, मलेखु टाउनका निरन्जन कडेँल, धुनवेसी टाउनका सरोज पाठक, लायन्सका प्रतिनिधि अच्युत खरेल र नेपाल चेपाङ संघका केन्द्रिय सदस्य तिलक चेपाङ लगायतको उपस्थित रहेको थियो । न्यानो कपडा पाएपछी चेपाङ परिवार खुसी भएका छन् ।