‘मिस कलेज २०१५’ को उपाधि नीतिकालाई

२ माघ, धादिङ – सिजन मिडियाद्वारा आयोजित ‘मिस कलेज २०१५’ को उपाधि नीतिका कर्माचार्यले जितेकि छिन् ।

राष्ट्रिय नाचघरमा शुक्रबार आयोजित प्रतियोगितामा कर्माचार्यले १६ प्रतिस्पर्धीलाई पछि पार्दै छैटौं संस्करणको उपाधि जितेकि हुन् ।
प्रतियोगिताको ‘फस्ट रनर अप’ प्राची अर्याल तथा ‘सेकेण्ड रनर अप’ प्रतिक्षा बानियाँ बनेकि छिन्।

प्रतियोगिताको उपाधि विजेतालाई महिन्द्राको स्कुटर, साउथ वेस्टन स्टेट, क्याम्पियनलगायतका कलेजमा छात्रबृत्तिसँगै विभिन्न पुरस्कार प्रदान गरियो । त्यस्तै, ‘फस्ट रनर अप’ र ‘सेकेन्ड रनर अप’ले मोबाइल फोन, छात्रबृत्तिलगायतका विभिन्न पुरस्कार हात पारे । त्यसैगरी, सबै प्रतिस्पर्धीलाई एकरएक विधाको उपाधि प्रदान गरिएको थियो ।

सिजन मिडियाका प्रबन्ध निर्देशक प्रदीपराज वन्तले कलेजस्तरबाटै विद्यार्थीको व्यक्तित्व विकास गरेर देश र समाज निर्माणमा सहयोग पुर्याउने आफूहरुको लक्ष्य रहेको बताए।