“काम गरेर पाएको पैसाले छोरा छोरीलाई कापी र कलम किनिदिन्छु”

२८ फागुन, धादिङ – “काम गरेर पाएको यो पैसाले छोरा छोरीलाई कापी र कलम किनिदिन्छु” । बूढाथुम गाविसकी सपना परियारले काम गरेको पैसा बुझेपछि यसरी सुनाइन् । ५ जना छोराछोरी छ , एउटा छोरी ८ कक्षामा पढ्छ त्यसको लागि खर्च गर्नुछ ।” भूकम्पले घर भत्कियो, बस्ने बास नहुदा अस्थायी टहरामा नै बस्नु प¥यो, आम्दानीको बाटो नहुँदा समस्यामा परेकी उनी कमाईको पैसा पाउदा खुसी भइन् ।

केयर नेपाल र सहयात्री समाज नेपालको साझेदारीमा जिल्लाका ६ वटा गाविसमा संचालित हरियो वन कार्यक्रम अन्र्तगत भुकम्पका कारणले क्षति भएका बाटो, पहिरो, सिंचाईको निमार्ण गर्ने र सो काम गरेवापत समुदायले ज्याला दिने कार्यक्रम रहेको थियो । कार्यक्रम अन्र्तगत जिल्लाका ५ वटा गाविसमा बाटो, सिंचाई र पहिरोको पुर्ननिमार्ण गरिएको छ । यो काम गर्नका लागि ४ हजार ७ सय ४४ जना खेतालाको प्रयोग भएको कार्यक्रम संयोजक सुजन राजभण्डारीले जानकारी दिए ।

१ जनाले १ दिन काम गरेवापत ५ सय २५ रुपैया ज्याला र १ सय ७५ रुपैया खाजाखर्च गरी जम्मा ७ सय रुपैया समुदायले प्रतिदिनको ज्याला पाएका थिए । पहिलो चरणमा मूलपानी गाविसमा १ हजार १ सय ३१ जनाले ७ लाख ८३ हजार ७ सय ८३ रुपैया, बूढाथुम गाविसमा १ हजार ३ सय ५१ जनाले ९ लाख ३६ हजार २ सय ४३ रुपैया, सल्यानटार गाविसमा ६ सय ७४ जनाले ४ लाख ६७ हजार ८२ रुपैया बुझेका थिए ।

यसै गरी फूलखर्क गाविसमा ८४१ जनाले ५ लाख ८२ हजार ८ सय १३ रुपैया र आगिञ्चोक गाविसमा ७ सय ४० जनाले ५ लाख १२ हजार ८ सय २० रुपैया बुझेको सहयात्री समाज नेपालका लेखा अधिकृत हरि सुनारले बताए । ५ वटा गाविसमा संस्थाले जम्मा ३२ लाख ८२ हजार ७ सय ४१ रुपैया वितरण गरेको छ ।

बूढाथुम गाविसका शंकर थापाले भुकम्पका कारणले क्षतिविक्षत भएको आफ्नो गाउँ पनि बनाउन पाइयो, काम गरेर आएको ज्यालाले यो विपदमा खर्च गर्ने रकम पनि पाइयो यसले हामीलाई धेरै सहयोग पुगेको र आफ्नो गाउँ आफै बनाउनु पर्छ भन्ने भावनामा विकास गरेको वताए ।

भुकम्पका कारणले बाटो, कूलो विग्रिएर समुदायको जनजिवनमा असर परिरहेको छ भने पहिरोले धेरै नै बस्तिहरु जोखिममा रहेको अवस्थामा समुदायलाई नै त्यसको पुर्न निमार्णमा परिचालन गर्ने र त्यसको ज्याला समुदायलाई नै दिदा समुदायलाई राहत हुने भएकोले यो कार्यक्रम संचालन गरिएको केयर नेपाल धादिङका हरियो वन कार्यक्रमका नविन ढुङ्गानाले बताए ।