Wed. Nov 20th, 2019

सरकारले आज पूर्ण बजेट ल्याउने

काठमाडौं, कात्तिक २७ विपक्षीहरुको असहमति र विरोध जारी रहेपनि सरकारले आज पूर्ण बजेट ल्याउने तयारी गरेको छ । आज अर्थमन्त्री वर्षमान पुनले राष्ट्रपति समक्ष बजेट ब्रिफिङ गर्ने कार्यक्रम रहेको अर्थमन्त्रालयले बताएको छ ।

अर्थमन्त्री पुन दिउँसो १ बजे राष्ट्रपति कार्यालय शीतलनिवास पुगी राष्ट्रपतिलाई बजेटका बारेमा ब्रिफिङ गर्ने कार्यक्रम छ । राष्ट्रपतिलाई ब्रिफ्रिङ गरिसकेपछि आजै मन्त्रिपरिषद् बैठक बसेर आर्थिक अध्यादेश सिफारिश गर्ने तयारी भैरहेको छ ।

विपक्षी दलहरूसँग पटकपटकको सहमति प्रयास विफल भएपछि सरकारले एकलौटी रूपमा करिब ४ खर्ब ५८ अर्व रूपैयाँ बराबरको बजेट तयार पारेको छ । प्रस्तावित बजेटमा १० अर्ब रुपैयाँ निर्वाचनका लागि छुट्याएको छ, भने रासायनिक मल किन्न ३ अर्ब छुट्याईएको छ ।

त्यस्तै लोडसेडिङ घटाउन ४ अर्ब र सडक विस्तारका लागि २ अर्ब रुपैयाँ प्रस्ताव गरिएको छ । अर्थ मन्त्रालयले राष्ट्रिय योजना आयोगले तोकेको सीमाभन्दा ३० अर्व रुपैयाँ बढी अर्थात करिब ४ खर्ब ५८ अर्ब रूपैयाँको बजेट तयार पारेको छ ।

Loading...