सेवाग्राहीसँग घूस लिंदै गर्दा सव–इन्जिनियर घिमिरे पक्राउ

१५ माघ, पाल्पा
सेवाग्राहीसँग घूस लिंदै गर्दा जिल्ला विकास समिति पाल्पाका सव–इन्जिनियर युवराज घिमिरे पक्राउ परेका छन् ।

जिल्ला भित्र पुल मर्मत सम्बन्धी ठेक्का दिलाई दिने भनी घूस लिदै गर्दा वुटवलको एक होटलबाट पक्राउ परेका हुन् । बिहिबार रुपन्देहीको वुटवलस्थित सुजाता होटल एण्ड लजमा सेवाग्राहीलाई बोलाएर ७० हजार रुपैयाँ घूस लिंदालिदै घिमिरे पक्राउ परेको अख्तियार दुरुपयोग अनुसन्धान कार्यालय वुटवलले पुष्टि गरेको छ ।

घिमिरेले दोभान गाँउ विकास समितिको वडा न ६ र ७ नम्बर गणेशटोल जोड्ने झोलुङगे पुल मर्मतको उपभोक्ता समिति र ठेकेदारसँग रकम माग गरेको थियो ।
जिल्ला विकास समितिमा दरबन्दी भई जिल्ला प्राविधिक कार्यालयमा पुलको काम हेर्ने उनले अहिले दोभानको सय वर्ष पुरानो पुलको जिम्मा पाएका थिए ।