बलात्कार गरेको आरोपमा पक्राउ

१५ माघ , धादिङ
एक युवतीलाई बलात्कार गरेको आरोपमा धादिङको खाल्टे गाँउ विकास समिति वडा नम्बर ८ धुसेनीका ३० वर्षीय सागर गुरुङलाई प्रहरीले पक्राउ गरी हिरासतमा लिएको छ ।

माइती घरमा बसेकी अपाङ्ग अवस्थाकी युवतीलाई गुरुङले ०७१ माघ ७ गते राती घरभित्र पसेर जबरजस्ती बलात्कार गरेको पीडितले प्रहरीमा दिएको जाहेरीमा उल्लेख छ् । पीडितले दिएको जाहेरीको आधारमा गुरुङलाई पक्राउ गरी अनुसन्धान थालिएको जिल्ला प्रहरी कार्यालय धादिङले जनाएको छ ।

प्रहरीले आरोपी गुरुङलाई जिल्ला अदालतमा पेश गरि ६ दिन हिरासतमा राखेर अनुसन्धान प्रकृया अघि बढाउन आदेश गरेको छ । पीडित युवतीको र आरोपी गुरुङको जिल्ला अस्पतालमा स्वास्थ्य परिक्षण गरिएको छ । आरोपी गुरुङ बैदेसिक रोजगारबाट केही समयअघि नेपाल फर्केका थिए ।