विद्युत सर्ट भई एक घरमा आगलागी, चार जनाको मृत्यु

शंकर श्रेष्ठ

१९ माघ, धादिङ
धादिङको धुषा गाउँ विकास समिति वडा नम्बर १ चरौदी स्थित घुम्तीमा एक घरमा आगलागी हुँदा ४ जनाको मृत्यु भएको छ ।

गय राती करिब २ बजेतिर विद्युत सर्ट भएर रामप्रसाद थपलियाको घरमा आगलागी भएको हो ।

आगलागीमा परी रामप्रसादका छोरा किशोरचन्द्र थपलिया, किशोरचन्द्रका छोरी योजना थपलिया, पोखरा निवासी ज्वाई अनिल जिशी, र नातीनी रोजेट जिशीको मृत्यु भएको हो ।

राती सुतिरहेको अवस्थामा एक्कासी आगलागी भएपछि ससुरालीमा पाहुना लाग्न आएका अनिल, माइत आएकी योजना र मामाघर आएका राजेटको घटना स्थलमै मृत्यु भएको हो ।

आगलागीमा परी किशोरचन्द्रकी श्रीमती कर्णकुमारी थपलिया गम्भीर घाइते हुनुभएको छ । घाइते थपलियालाई उपचारको लागि काठमाण्डौ लगिएको स्थानीयले बताएका छन् ।

रातीको समयमा विद्युत सर्ट भएर आगलागी भएको बताइएको छ । आगलागीले घरमा पुरै क्षती पुगेको छ भने घरमा रहेका सुन, नगद रुपैया र लत्ताकपडा गरी ५० लाख भन्दा बढिको क्षति भएको प्रारम्भीक अनुमान गरिएको छ ।