Pabil News२६ माघ, धादिङ
पृथ्वी राजमार्गको नौविसे मुग्लिन सडकखण्ड अन्र्तरगत धादिङको बेनिघाट बजारमा सवारी दुर्घटना हुदा पृथ्वी राजमार्ग अवरुद्ध भएको छ ।
काठमाण्डौबाट मुग्लिनतर्फ जाँदै गरेको ग १ ख ३९७४ नम्वरको माइक्रोबसले धादिङको बेनिघाट बजारमा सडक किनारामा रोकिरहेको बा ३३ प ६७५ नम्बरको मोटरसाइकललाइ ठक्कर दिँदा २ जना घाइते भएका हुन ।
घाइते हुनेहरुमा बेनिघाट ८ का संजय श्रेष्ठ र अर्का नाम नखुलेका बालक रहेका छन । बालकको टाउकामा सामान्य चोट लागेपनि सन्जय श्रेष्ठलाइ भने गजुरी अस्पतालमा सामान्य उपचार पछि थप उपचारको लागि काठकाण्डौ तर्फ पठाइएको छ ।
माइक्रोबस अत्याधिक स्पीडमा रहेको र बसलाइ ओभरटेक गर्न खोज्दा अनियन्त्रित भइ सडक किनाराको नालीमा पुगेर त्यहाबाट उछिट्टिएर मोटरसाइललाइ ठक्कर दिन पुगेको घटनाका प्रत्यक्षदर्शी बासुदेव कंडेलले बताए ।
About The Author
