आइपिएलः पुणेसँग हार्‍यो कोलकाता

वैशाख २१ –

इन्डियन प्रिमियर लिग (आइपिएल) क्रिकेट अन्तर्गत बुधबार राति भएको खेलमा राइजिङ पुणे सुरपुजाइन्ट्स विजयी भएको छ । इडेन गाडेन्समा भएको खेलमा पुणेले कोलकाता नाइट राइडर्सलाई चार विकेटले हराएको हो ।

कोलकाताले प्रस्तुत गरेको एक सय ५६ रनको लक्ष्य पुणेले चार बल बाँकी हुँदा ६ विकेटको क्षतिमा भेट्टायो । पुणेको जितमा राहुल त्रिपाठीले ९३ रन बनाए । यस्तै बेन स्टोक्सले १४ तथा अजिन्क्या राहनेले ११ रन बनाए । क्रिस वोक्सले ३ विकेट लिएपनि कोलकातालाई जिताउन भने सकेनन।
घरेलु मैदान इडन गार्डेनमा पहिले ब्याटिङ गरेको कोलकाताले २० ओभरमा ८ विकेट गुमाएर १ सय ५५ रन बनाएयो । कोलकाताका लागि मनिष पाण्डेले ३७ र कोलिन डी ग्रान्डोम्मेले ३६ रन बनाए ।

जितसँगै पुने अंकतालिकाको तेश्रो स्थानमा उक्लिएको छ । उसको ११ खेलबाट १४ अंक भएको छ । दोस्रो स्थानको कोलकाताको पनि ११ खेलबाट १४ अंक नै छ ।
२०७४ साल बैशाख २१ गते प्रकाशित