Sat. May 18th, 2024

बस र माइक्रो एक आपसमा जुध्दा ४ जनाको मृत्यु , १४ घाइते

१६ चैत धादिङ –पृथ्वी राजमार्ग अन्र्तगत धादिङको जोगीमारा गाँउ विकास समितिको वडा नं ९ स्थित खटौती खोला नजिकै  सोमबार दुई सवारी साधन एक आपसमा ठक्कर खाँदा ४ जनाको घटनास्थलमा नै मृत्यु भएको छ ।

मृत्यु हुनेमा माइक्रोका चालक सहित विदेशी पर्यटक रहेको प्रहरी नायव उपरीक्षक प्रकाश मल्लले जानकारी दिनुभयो ।  काठमाडौँदेखि कपिलबस्तुका लागि हिँडेको लु  १ ख ९५९३ नम्बरको यात्रुवाहक बस र पोखराबाट काठमाडौँ जादै गरेको बा १ प १०२८ नम्बरको पर्यटकिय माइक्रोबस एक आपसमा ठोक्किदा १४ जना घाइते भएका छन् ।

घाइतेहरुको गजुरी सामुदायिक अस्पतालमा उपचार भइरहेको प्रहरीले जनाएको छ । दुर्घटनामा मृत्यु भएकाहरुको पहिचान खुल्न सकेको छैन । घटनाको थप विवरण आउन बाँकी रहेको प्रहरीले जनाएको छ ।

About The Author

Loading...

अन्य समाचारहरु: