Mon. Aug 26th, 2019

सहकारीको स्थापना दिवसको अवसरमा धादिङ अस्पतालका बिरामीलाई फलफूल वितरण


१९ साउन, धादिङ –

धादिङबेसीमा कार्यलय रहेको सहारा महिला साकोसले स्थापना दिवसको अवसरमा जिल्ला अस्पताल धादिङमा भर्ना भएका बिरामीहरुलाई फलफूल वितरण गरेको छ ।

२० वर्ष पूरा भई २१ वर्ष प्रवेश गरेको अवसरमा अस्पतालमा भर्ना भएका २७ जना बिरामीलाई फलफूल वितरण गरिएको साकोसले जानकारी दिएको छ ।

संस्थामा हाल ३ हजार ५ सय ११ जना शेयर सदस्यहरु छन् । हाल संस्थाले रु। १८ करोड ८३ लाख २५ हजार ७ सय ७ रुपैंयाको कारोवार गरेको व्यवस्थापक गोकर्ण दुवाडीले जानकारी दिए ।

महिलाहरुको क्षमता विकासका लागि सिन्के धुप बनाउने, साबुन बनाउने, बाँसबाट विभिन्न सामानहरु बनाउने, व्यूटिसियन लगायतका तालिमहरु संचालन गर्दै आइरहेको छ ।

२०७६ साउन १९ गते प्रकाशित

Loading...