Fri. Oct 30th, 2020

सबै स्थानीय तहमा ५ शैय्याको अस्पताल बन्ने


१२ भदौ, काठमाडौँ–


सबै स्थानीय तहमा अस्पताल बन्ने भएका छन्। शुक्रबार स्वास्थ्य तथा जनसंख्या मन्त्रालयले सबै स्थानीय तहमा अस्पताल सेवा प्रारम्भ गर्ने निर्णय गरेको हो। सबै स्थानीय तहका स्वास्थ्य चौकी र उपस्वास्थ्य चौकीहरूमा ५ शैय्याको अस्पताल तुरुन्तै सञ्चालनमा ल्याउने निर्णय गरेका हुन् । स्वास्थ्यमन्त्री भानुभक्त ढकालका अनुसार अस्पताल नभएका ६४९ तहमा पाँच शैय्याको अस्पताल तत्काल सुरु हुनेछ।

मन्त्रालयले तत्काल अस्पताल सञ्चालन गर्न आवश्यक पर्ने औजार र उपकारण खरिदका लागि शुत्रबार मात्र ६४ करोड निकासा गरेको छ। यसरी सञ्चालन हुने अस्पतालमा तत्काल कम्तिमा एक एमबीबीएस चिकित्सक, दुई नर्स र अन्य स्वास्थ्यकर्मी रहनेछन्।

चिकित्सक, नर्स र स्वास्थ्यकर्मीको व्यवस्थापन स्थानीय तहले गर्नेछ। मन्त्रालयले अस्पताल कहाँ सञ्चालन गर्ने भन्ने निर्णय गर्ने अधिकारसमेत स्थानीय तहलाई नै दिएको छ। त्यसैगरी सरकारले निजी अस्पताललाई कोभिड-१९ अस्पतालको रुपमा व्यवस्थापर्ने गर्ने नीतिगत निर्णयसमेत गरेको छ।


२०७७ भदौ १२ गते प्रकाशित

Loading...