Mon. Apr 15th, 2024

साना किसान कृषि सहकारी नलाङको १६औं साधारणसभा

धादिङ– शेयर सदस्यहरुलाई दूध उत्पादन वृद्धि गर्न उत्प्रेरणा दिने कार्यक्रम ल्याउने योजना बनाउदै सामुदायिक साना किसान कृषि सहकारी संस्था लि. नलाङको १६औं वार्षिक साधारणसभा शनिबार सम्पन्न भएको छ ।

धादिङको सिद्दलेक गाउँपालिका-२ मा रहेको सहकारीको साधारणसभा उद्घाटन समारोहलाई सम्बोधन गर्दै बागमती प्रदेश साना किसान कृषि सहकारी संघका अध्यक्ष डिल्लीप्रसाद पाठकले दिगो सहश्राव्दी विकास लक्ष्य पूरा गर्न सहकारी संस्थाहरुको भुमिका महत्वपुर्ण रहेको बताए ।

कृषि क्षेत्रको विकास र प्रवर्द्धनमा साना किसान कृषि सहकारीहरुले ठूलो योगदान गरेको बताए । सबै घर परिवारका कम्तिमा एक जना सदस्य साना किसान कृषि सहकारीको सेयर सदस्य बनाउन संचालकहरुसंग आग्रह पनि गरे ।

संस्थाले गत आर्थिक वर्षमा १ करोड २५ लाख ५ हजार ९ सय २१ नाफा गर्न सफल भएको सहकारी संस्थाका अध्यक्ष तिलक सिंखडाले जानकारी दिए । आर्थिक वर्ष २०७९/८० मा ५ करोड २७ लाख ४२ हजार ६ सय ८४ रुपैयाँ आम्दानी गरेको संस्थाले ४ करोड २ लाख ३६ हजार ७ सय ६२ रुपैयाँ खर्च गरेर बाकी नाफा कमाएको उनले जानकारी दिए ।

संस्थामा अहिले २ हजार १ सय ११ जना सदस्यहरु छन् । जसमध्ये १ हजार ४ सय ४ जना शेयर सदस्यहरु छन् भने ७ सय ७ जना बाल सदस्य रहेका छन् । त्यसैगरि १५ वटा अन्तरसमुह र २ सय २५ वटा समूहहरु क्रियाशील छन् ।

२ करोड ५५ लाख ४० हजार ७ सय कूल शेयरपूँजी रहेको सहकारीले १ करोड ९८ लाख ७८ हजार ४ सय ७८ रुपैंया साधारण जगेडाकोषमा जम्मा गरेको छ । कूल आन्तरिक पूँजी पन्ध्र करोड बयालिस लाख एक हजार नौ सय सन्ताउन्न रुपैया रहेको छ ।

संस्थाले शेयर सदस्यहरुलाई २९ करोड ३८ लाख ३ हजार ८ सय ९ रुपैंया ऋण लगानी गरेको छ । अधिकांश कृषि क्षेत्रमै ऋण लगानी गरिएको सिंखडाले जानकारी दिए ।

साधारणसभाको अवसरमा सहकारीले उत्कृष्ट व्यवासायिक किसान, सामुदायिक विद्यालयतर्फबाट एसईई उत्कृष्ट अंक प्राप्त गर्ने विद्यार्थी, सेयर सदस्यहरु मध्येबाट उत्कृष्ट बचतकर्ता, उत्कृष्ट बाल बचतकर्ता, उत्कृष्ट आर्थिक कारोबार गर्ने अन्तरसमुहहरुलाई नगदसहित सम्मान गरेको छ । असल ऋणीहरुलाई पनि सम्मान गरिएको सहकारी संस्थाकी प्रबन्धक अम्बिका न्यौपाने सिलवालले बताइन् ।

साविक नलाङ गाविसलाई मुख्य कार्यक्षेत्र बनाएर १६ वर्षअघि स्थापना भएको सहकारीले साना किसानहरुको आय आर्जन वृद्धि र कृषिको व्यवसायीकरणमा काम गरिरहेको छ ।

About The Author

Loading...

अन्य समाचारहरु: