सौराज ट्रक दुर्घटना हुदा एक जना गम्भीर घाइते

धादिङ-खनियावास गाउँपालिका-२ झार्लाङमा सौराज मिनि ट्रक दुर्घटना हुदा एक जना गम्भीर घाइते भएको छ ।

जिल्लाको सदरमुकाम धादिङबेशीबाट खाद्यान्न सामाग्री लिएर उत्तरी धादिङ झार्लाङ जादै गरेको बा ४ ख ३१७५ नम्बरको सौराज ट्रक दुर्घटना हुदा सहचालक झार्लाङका २५ वर्षीय राम बहादुर तामाङ गम्भीर घाइते भएको जिल्ला प्रहरी कार्यालय धादिङका प्रहरी उपरीक्षक गौतम मिश्रले जानकारी दिए ।
ट्रकको टायर फुत्केर सडक भन्दा करिव ७० मिटर तल खसेको हो । दुर्घटना परेका तामाङको शरिरको विभिन्न भागमा चोटपटक लागेको छ । घाइते तामाङको झार्लाङ स्वास्थ्य चौकीमा उपचार भइरहेको छ । ट्रकका चालक निलकण्ठ नगरपालिका -१२ कासुमन श्रेष्ठ सकुशल रहेको एसपी मिश्रले जानकारी दिए