घ्युको बट्टामा चरेश चरेश सार्वजनिक गरेको १२ घण्टा नबित्दै शरीरमा टाँसेर ल्याएको चरेश बरामद

धादिङ-घ्यु राख्ने बट्टामा चार किलो अवैध लागू औषध चरेश बरामद गरेर सार्वजनिक गरेको १२ घण्टा नबित्दै धादिङ प्रहरीले फेरि शरिरमा लगाएको भोटो (कपडा)मा नौं किलो पाँच सय ग्राम चरेश लुकाएर ओसारपसार गर्दै गरेका दुई जनालाई पक्राउ गरेको छ ।

मकवानपुरबाट महादेवबेशीतर्फ आउदै गरेको ना ४ ख ४८३ नम्वरको यात्रुबाहक बसमा चेकजाँच गर्ने क्रममा शरीरमा लगाउने कपडाको भोटोको खल्तीमा लुकाई छिपाई चरेश बोक्ने मकवानपुर थाहा नगरपालिका–८ आग्राका ३८ वर्षीय राजेन्द्र दमाई र २३ वर्षीय सागर भन्ने नारायण दमाईलाई प्रहरीले पक्राउ गरेको हो ।

शरीरमा लुगाको भित्र कम्मरमा बाँधेर ओसारपसार गर्दै गरेको चरेससहित थाक्रे गाउँपालिका वडा नम्बर २ महादेवबेशीबाट उनीहरुलाई पक्राउ गरिएको इलाका प्रहरी कार्यालय खानिखोलाका प्रहरी निरीक्षक देवेन्द्र बहादुर शाहले जानकारी दिए।

शरीरमा भित्रपट्टी खल्ती भएको कपडाको भोटो लगाएर त्यै भोटोको खल्तीमा चरेश लुकाएर बाहिरपट्टी अर्को कपडा लगाएर आएको रहेछ, झोलामा बोक्दा शंका हुने डरले नयाँ तरिका अपनाएर ओसारपसार गर्न लागेको देखिन्छ, शाहले भने।