Pabil News
काठमाडौं– भारतीय पपस्टार बादशाहले तेस्रो स्टुडियो एल्बमको रुपमा ‘एक था राजा’ ल्याउने घोषणा गरेका छन्, जुन सोमबार रिलिज हुँदैछ । बिहीबार बेलुका भिडियोमार्फत एल्बम घोषणा गर्दै उनले रोचक लाइनअप पस्किएका छन् ।
यो लाइनअपमा नेपाली गायिका प्रजिनाको पनि नाम छ, जो पछिल्लो समय नेपाली युवापुस्तामाझ चर्चित छिन् ।
प्रजिनाले आफ्नो सामाजिक सञ्जालबाट बादशाहको पोस्ट सेयर गर्दै यसबारे जानकारी दिएकी छन् । नेपाली गायिकाको यो भारतीय पप उद्योगमा भएको छलाङलाई लिएर फ्यान पनि उत्साहित छन् । ‘यो सहर’ गीतबाट उनले एकाएक चर्चा बटुलिन्, जसलाई युट्युबमा ३५ लाख पटक हेरिएको छ ।
About The Author
