दुई विश्वकप खेल्ने एकमात्र खेलाडी सोमपाल

सोमपालले एकदिवसीय अन्तर्राष्ट्रियको ५४ पालीमा २१।२८ को औसतले कुल पाँच सय ९६ रन बनाएका छन् । एकदिवसीय अन्तर्राष्ट्रियमा उनको स्ट्राइक रेट ७३।३९ रहेको छ । उनको उच्च स्कोर भने अविजित ६३ रन हो ।

एकदिवसीय अन्तर्राष्ट्रिय प्रतियोगितामा उनले दुईवटा अर्धशतक बनाएका छन् । उनले ४७ चौका र ११ वटा छक्का पनि प्रहार गरेका छन् । नेपाली टोलीका यी प्रभावशाली खेलाडीले एकदिवसीय अन्तर्राष्ट्रिय क्रिकेटमा १२ वटा क्याच पनि लिएका छन् ।

यसैगरी सोमपालले टी–२० अन्तर्राष्ट्रियको ३८ पालीमा ११।६६ को औसतले कुल तीन सय १५ रन बनाएका छन् । टी–२० अन्तर्राष्ट्रियमा उनको स्ट्राइकर रेट ११५।३८ रहेको छ । उनको उच्च स्कोर भने ४० रन हो । उनले २५ चौका र १३ वटा छक्का हिर्काएका छन् । उनले २२ क्याच पनि लिएका छन् ।

यसैगरी सोमपालले एकदिवसीय अन्तर्राष्ट्रिय क्रिकेटमा ७१ विकेट लिएका छन् । उनको उत्कृष्ट प्रदर्शन ३३ रन खर्चिएर पाँच विकेट हो । उनले टी–२० अन्तर्राष्ट्रिय क्रिकेटमा पनि ५८ विकेट लिएका छन् । टी–२० अन्तर्राष्ट्रियमा उनको उत्कृष्ट प्रदर्शन २० रन खर्चिएर तीन विकेट हो ।