Sat. Jul 20th, 2024

उत्तरपुस्तिका हराएको विषयमा त्रिविले छानविन गर्ने

काठमाडौँ– उत्तर पुस्तिका हराएको प्रकरणमा त्रिभुवन विश्वविद्यालयले छानविन गर्ने गर्ने भएको छ । उत्तर पुस्तिका हराएको विषयमा छानबिन समितिले दिएको प्रतिवेदनका आधारमा त्रिविले केही दिनभित्रमा निर्णय गर्न लागेको हो ।

२०८० सालको वैशाखमा लिएको स्नातक तह प्रथम वर्षको मानविकी तथा सामाजिक शास्त्र सङ्काय अन्तर्गत जनसङ्ख्या तथा स्वास्थ्य विषय (४२२) र शिक्षा शास्त्र सङ्काय तर्फको शिक्षाको आधार विषय (४१२) का उत्तर पुस्तिका हराएका थिए ।

उत्तर पुस्तिका हराएको विषयमा गत चैत १५ गते त्रिविले राष्ट्रिय परीक्षा बोर्डका पूर्व अध्यक्ष तथा त्रिविका पूर्व रजिष्ट्रार प्राडा चन्द्रमणि पौडेलको संयोजकत्वमा तीन सदस्यीय उच्चस्तरीय समिति गठन गरेको थियो । समितिले त्रिवि परीक्षा नियन्त्रण कार्यालयका परीक्षा नियन्त्रकसहित विभिन्न व्यक्तिलाई कारबाही सिफारिस गरेको थियो ।

त्रिविका रजिष्ट्रार प्राडा केदारप्रसाद रिजालले प्रतिवेदन अध्ययनको काम सकिएको र केही दिनमा निर्णयमा पुगिने बताए । ‘असारभित्रमा अहिलेसम्मका डेडलक परीक्षाको नतिजा प्रकाशित गर्ने भन्नेमा छौँ । कारबाहीको विषयमा अहिले नै निर्णय गर्दा त्यताको प्रभावित हुनसक्छ । साउनको दोस्रो साताभित्रमा कारबाही विषयमा निर्णय गर्छौ,’ रिजालले भने । प्रतिवेदनमा सिफारिस गरिए अनुसार नै कारबाही प्रक्रिया अगाडि बढाएको हो ।

About The Author

Loading...

अन्य समाचारहरु: