Pabil News
दोस्रो मैत्रीपूर्ण खेलमा भुटानले बङ्गलादेशलाई पराजित गरेको छ । भुटानले आठ वर्षपछि बङ्गलादेशलाई पराजित गरेको हो । हिजो भएको दोस्रो मैत्रीपूर्ण खेलमा घरेलु टोली भुटानले बङ्गलादेशलाई १–० ले पराजित गरेको हो । यसअघिको पहिलो मैत्रीपूर्ण खेलमा भने भुटानलाई बङ्गलादेशले १–० ले नै पराजित गरेको थियो।
सेप्टेम्बर २०१६ मा भएको एएफसी एशियन कप छनोटमा भुटानले बङ्गलादेशलाई ३–१ ले पराजित गरेको थियो । त्यो नै बङ्गलादेशविरुद्ध भुटानले हात पारेको पहिलो जित थियो । त्यसयता भुटान र बङ्गलादेशबीच पाँच खेल भएका थिए । ती सबै खेलमा बङ्गलादेशले जित हासिल गरेको थियो ।
About The Author
