Pabil News२४ साउन, धादिङ – गोरखाबाट काठमाण्डौका लागि उडेको फिस्टेल एयरको हेलिकोप्टर नुवाकोटको मदानपुर गाविस-९ को बेतिनीमा दुर्घटना भएको छ ।
दुर्घटनमा परी हेलिकोप्टरमा सवार सबै ७ जनाको मृत्यु भएको छ । मृत्यु हुनेमा चालक क्याप्टेन रञ्जन लिम्बु, गोरखाको सिर्दिवास गाविस वडा नम्बर २ कि १९ वर्षीय प्रिती गुरुङ, उनका ५ दिने छोरा, सासु ५६ वर्षीय अज्ञानी गुरुङ र ससुरा ६० वर्षीय कितमान गुरुङ, इटहरीकी निशा तामाङ र लक्ष्मी गुरुङ रहेका छन् ।
सुत्केरी महिलालाई उपचारको लागि काठमाडौं ल्याउन गोर्खा गएको नाइन एन ए के ए कल साइन भएको हेलिकोप्टर काठमाडौं फर्किने क्रममा नुवाकोटमा दुर्घटनामा परेको हो।
हेलिकोप्टर गोर्खाबाट दिउँसो १२ बजेर १० मिनेटमा उडेको थियो । १२ बजेर ३५ मिनेट जाँदा हेलिकोप्टर सम्पर्क बाहिर गएको फिस्टेल एयरले जनाएको छ।
About The Author
