एजेन्सी– टेष्ट क्रिकेट मान्यता प्राप्त राष्ट्र वेष्ट इण्डिजलाई पराजित गर्दै एशोसिएट राष्ट्र आयरल्याण्डले विश्वकप क्रिकेटमा राम्रो सुरुवात गरेको छ ।
सोमबार भएको पहिलो खेलमा आयरल्याण्डले वेष्टइण्डिलाई ४ विकेटको पराजित गर्यो । वेष्टइण्जिले दिएको ३०५ रनको लक्ष्य आयरल्याण्डले ४५.४ ओभरमा ६ विकेटको क्षतिमा भेट्टायो ।
आयरल्यान्डको दोस्रो विकेटका लागि पल स्टर्लिङ र एड जोइसले १०६ रनको साझेदारी गरे । स्टर्लिङले ८४ बलमा ९ चौका र ३ छक्काको मदतमा ९२ रन बनाए । तेस्रो विकेटका लागि नाइल ओब्रायनसँग ९६ रनको साझेदारी गरेका जोइस ८४ रनमा आउट भए । ६७ बलको सामना गरेका उनले १० चौका र २ छक्का प्रहार गरे ।
त्यसपछि उसले १७ रन जोड्दा थप दुई विकेट गुमायो । तर, क्रिजमा टिकिरहेका ओब्रायनले आयरल्याण्डलाई जित दिलाउ ठूलो भुमिका निभाए । ६० बलको सामना गरेका उनले अविजित ७९ रन बनाए ।
यसअघि पहिले ब्याटिङ गरेको वेष्टइण्डिजले लेन्डल साइमनको शतकको मदतमा ५० ओभरमा ७ विकेट गुमाएर ३०४ रन बनाएको थियो ।
वेष्टइण्डिजको सुरुवात भने निकै खराव थियो । ८७ रन जोड्दा ५ विकेट गुमाइसकेको वेष्टइण्डिजको पारी सिमोन्स र डरेन सामीले सम्हाले । सिमोन्स र सामीले छैटौं विकेटका लागि १५४ रनको साझेदारी गरे । सिमान्सले १०२ रन बनाए भने सामीले ८९ रन जोडे । क्रिस गेलले ३६ रन बनाए ।
आरयल्याण्डका जर्ज डकरेलले १० ओभरमा ५० रन दिएर ३ विकेट लिए ।
