२६ असोज, काठमाडौं –

जापानमा आएको आँधीले कम्तीमा १० जनाको ज्यान लिएको छ। ६० वर्षयताकै ठूलो आँधीमा परेर १६ जना हराइरहेका छन्। मुसलधारे पानी पछि आएको बाढी र पहिरोले देशका अधिकांस स्थानको जनजीवन प्रभावित बनाएको छ।

टोकियोबाटमा पर्ने इगु पक्षेत्रमा शनिबार साँझ ७ बजे ठोक्किएको हगिबास नामको आँधी मुसलधारे पानी र पहिरोको कारण बनेको सञ्चारमाध्यमले जनाएका छन्। बीबीसीका अनुसार आँधीको गति २२५ किलोमिटर प्रतिघण्टा छ।

४ लाख २५ हजार घरमा आँधीका कारण विद्युत सेवा अवरुद्ध भएको छ। सरकारले ७० लाख मानिसलाई सुरक्षित स्थानमा जान भनेको छ। रेल सेवा अवरुद्ध भएको छ भने हवाई सेवा समेत प्रभावित बनेको छ। जापानको मौसम विभागले राजधानी टोकियोमा आइतबार आधा मिटर सम्म वर्षा हुन सक्ने चेतावनी दिएको छ।

२०७६ असोज २६ गते प्रकाशित