धादिङ – नेपाल आदिवासी जनजाति पत्रकार महासघं फोेनिजले धादिङका विभिन्न संचार माध्यममा कार्यरत आदिवासी जनजाति संचारकर्मीहरुलाई सञ्चार सामग्री राहत स्वरुप प्रदान गरेको छ ।
फोनिजका केन्द्रिय अध्यक्ष दण्ड गुरुङ लगायतको टोलीले सो सामग्री फोनिज धादिङका सचिव सरिता श्रेष्ठलाई सामग्री हस्तान्तरण गर्नुभएको हो ।
फोनिजले धादिङ जिल्लाका विभिन्न संचार माध्यममा कार्यरत ३७ जना आदिवासी जनजाति पत्रकारहरुलाई एक थान पावर बैंक, कलम र एक थान पेनड्राइभ प्रदान गरेको छ । फोनिज केन्द्रबाट प्राप्त सामग्री जिल्ला शाखा मार्फत जिल्लामा रहेका फोनिजका सदस्यहरुलाई वितरण गरिएको छ ।
बैशाख १२ गते र २९ गते गएको विनाशकारी भूकम्प र त्यस पछिको पराकम्पनबाट प्रभावित भएका आदिवासी जनजाती पत्रकारहरुलाई फोनिज केन्द्रिय समितिको आह्वानमा तमू गुरुङ सञ्चारकर्मी संघ, नेपाल केन्द्रिय समिति र तमू बौद्ध सेवा समिति नेपाल काठमाडौँ र तमू पर्यटन व्यवसायी संघका अध्यक्ष कुलबहादुर गुरुङको सहयोगमा सामग्रीहरु उपलब्ध गराइएको हो ।
कार्यक्रममा फोनिजका केन्द्रिय सदस्य लाला गुरुङ, फोनिज फोनिज कोरियाका अध्यक्ष मञ्जु गुरुङ, नेपाल पत्रकार महासंघ धादिङका अध्यक्ष नवराज छत्कुली लगायतको सहभागीता रहेको थियो ।
