धादिङ– नेपाली कांग्रेस धादिङ नीलकण्ठ नगरपालिकाको अधिवेशन मतदान सुरु भएको केहिबेरमै रोकिएको छ ।
मतदानस्थलमा दुई पक्षबीच विवाद हुन थालेपछि मतदान स्थगित गराएको हो । नीलकण्ठ नगरपालिकामा भिम ढुंगानाबाट पक्ष शम्भुसिङ ठकुरी र रामनाथ अधिकारी पक्षबाट ध्रुव रिजाल अध्यक्षका उम्मेदवार छन् ।
धुनिवेसी नगरपालिकासहित ८ पालिकामा सर्वसम्मत सभापति चयन भएको छ । धुनिवेसीमा सुरज उप्रेती, गल्छी गाउँपालिकामा दिपक कार्की, थाक्रे गाउँपालिकामा रामप्रसाद बिडारी, गजुरी गाउँपालिकामा भुमी कडेल, वेनिघाट रोराङ गाउँपालिकामा रिसी त्रिपाठी, ज्वालमुखी गाउँपालिकामा रेशमराज काप्री, त्रिपुरासुन्दरी गाउँपालिकामा राजु उप्रेती, खनियाबासमा मरिचमान तामाङ सर्वसम्मत सभापतिमा निर्वाचित भएका छन् ।
सिद्दलेक गाउँपालिकामा मतगणना हुँदै गरेको काङ्ग्रेस धादिङले जनाएको छ । गङ्गाजमुना गाउँपालिकामा सभापतिका लागि मात्रै मतदान भएको छ ।
रुबिभ्याली, नेत्रावती गाउँपालिकामा पनि सर्वसम्मतको प्रयास भैरहेको बताइएको छ ।
केन्द्रमा देखिएको गुटको प्रभाव नीलकण्ठ नगरपालिकामा प्रत्यक्ष देखिएको छ । धादिङमा प्रधानमन्त्री शेरबहादुर देउवा पक्षका दिलमान पाख्रिन र रामचन्द्र पौडेल पक्षका रामनाथ अधिकारी मुख्यगरी दुई धारमा देखिएका छन् ।
