धादिङ : जिल्ला प्रशासन कार्यालय धादिङको ६ महिना समय अवधिको कार्य सम्पादनको समिक्षा गरेकोे छ । प्रमुख जिल्ला अधिकारी कृष्ण प्रसाद लम्सालले बुधबार पत्रकार सम्मेलन गर्दै ६ महिनाको अवधिमा गरेका कार्य सम्पदान, समस्या तथा चुनौतीको विषयमा पत्रकारहरुलाई जानकारी गराएको हो ।
प्रमुख जिल्ला अधिकारी लंसालले ६ महिनाको अवधिमा जिल्ला प्रशासन कार्यालय धादिङद्धारा मस्र्याङदी काठमाण्डौं २६५ केभि प्रसारण लाईनको तार विस्तार, नौबिसे सुरुङ मार्गमा ५ सय मिटरको बाटो स्तरौनती, जिल्ला विपद प्रतिकार्य योजना तयारका कार्यक्रमहरु सम्पन्न गरेको जानकारी दिए ।
त्यस्तै प्रशासनले अभिभावक नभएका बालबालिकाहरुलाई नागरिकता प्रदान, खनियावासको किन्ताङफेदीमा ईलाका प्रशासन कार्यालय स्थापनाको लागि सिफारिस, ६ महिनामा ६ हजार ६ सय ८५ राष्ट्रिय परिचयपत्र वितरण लगाएतका कार्यहरु गरेको प्रमुख जिल्ला अधिकारी लंसालले बताए ।
