धादिङ– जिल्ला प्रशासन कार्यालय धादिङले चैत्र २१ गतेभित्र इजाजतप्राप्त हातहतियारहरु समेत बुझाउन अनुरोध गरेको छ ।
प्रशासनले आगामी स्थानीय तहको निर्वाचनमा भरपर्दो र विश्वसनीय सुरक्षा व्यवस्थापन गरी भयरहित वातावरण सृजना गर्नु अपरिहार्य भएकाले इजाजतप्राप्त हातहतियारहरु नजिकको प्रहरी कार्यलयमा बुझाउन अनुरोध गरेको हो ।
यसरी बुझाइएका हातहतियारहरु सुरक्षित राखिने र निर्वाचनपछि हतियारधनीलाई नै फिर्ता गरिने प्रशासनले जनाएको छ ।
साथै, कोही कसैले बिना इजाजतका भरुवा तथा एयरगन राखेको भए त्यस्ता हतियार समेत बुझाउन प्रशासनले जारी गरेको सूचनामा उल्लेख छ ।
निर्धारित समयभित्र नबुझाउने व्यक्तिको हातहतियार खोजतलास गरी कानुनबमोजिम कारवाही गरिने समेत प्रशासनले चेतावनी दिएको छ ।
