धादिङ -नेपाल दलित पत्रकार संघ जिल्ला समिति धादिङको अध्यक्षमा सुशिला विश्वकर्मा निर्वाचित भएका छन् । शुक्रबार धादिङबेसीमा सम्पन्न संघको दोश्रो अधिवेशनबाट विश्वकर्मा सर्वसम्मत अध्यक्षमा निर्वाचित भएका हुन्।
रेडियो धादिङ १०६ मेगाहर्जमा कार्यरत विश्वकर्माको अध्यक्षतामा नवगठिन कार्यसमितिको सचिवमा अनिल अछामी, कोषाध्यक्षमा रोशन वयालकोटी, सहसचिवमा रोशनी नेपाली निर्वाचित भएका छन् । त्यस्तै सदस्यहरुमा सरस्वती विश्वकर्मा, भक्तबहादुर वि.क. र मनिषा विश्वकर्मा चयन भएका छन् ।
अधिवेशनलाई सम्बोधन गर्दै नवनिर्वाचित अध्यक्ष विश्वकर्माले दलित पत्रकारहरुको क्षमता अभिवृद्धि र हक अधिकार संरक्षणमा संघले नेतृत्वदायी भुमिका खेल्ने प्रतिवद्धता व्यक्त गरेका छन् ।
