काठमाडौं– जारी एसिसी यू–१९ एसिया कपमा आज नेपाल र बंगलादेशबीच खेल हुँदैछ । खेल युएईको दुबई अन्तर्राष्ट्रिय स्टेडियममा आइतबार बिहान १०ः४५ बजे सुरू हुनेछ ।
शुक्रबार सुरु भएको एसिया कपको पहिलो खेलमा नेपाल श्रीलंकासँग पराजित भएको थियो । सेमिफाइनलमा पुग्नका लागि नेपाललाई आजको खेल जित्न जरूरी छ ।
समूह चरणकै खेलमा बंगलादेशले अफगानिस्तानलाई ४५ रनले पराजित गरेको थियो । नेपालले समूह चरणको तेस्रो तथा अन्तिम खेल अफगानिस्तानसँग मंगलबार खेल्नेछ । आठ टिम सम्मिलित प्रतियोगितामा नेपाल, बंगलादेश, अफगानिस्तान र श्रीलंका समूह बीमा छन् । समूह ए मा युएई, जापान, भारत र पाकिस्तान छन् ।
शनिबार भएको समूह बीको खेलमा भारतविरूद्ध पाकिस्तान र जापानविरूद्ध युएई विजयी भएको थियो । समूहको शीर्ष दुई टोलीले सेमिफाइनलमा स्थान बनाउनेछन् । सेमिफाइनल खेल मंसिर २१ र फाइनल २३ गते हुनेछ ।
