काठमाडौं । दक्षिण कोरियाको द कोरिया रेलरोड कर्पोरेसन (कोेरेल) ले नेपालमा रेल पूर्वाधार बनाउन प्रस्ताव गरेको छ ।
कोरिया सरकार स्वामित्वको कम्पनी कोरेलले नेपालमा रेलको सम्भाव्यता अध्ययन र त्यसपछि रेल पूर्वाधार बनाउन भन्दै लगानी बोर्डमा प्रस्ताव गरेको छ । लगानी बोर्डमा रेल पूर्वाधारको सम्भाव्यता अध्ययन गर्न परेको यो पहिलो प्रस्ताव हो । कोरेल कोरियाको भूमि पूर्वाधार तथा यातायात मन्त्रालय अन्तर्गतको कर्पोरेशन हो ।
सहरी र अन्य क्षेत्रमा उसले रेलमा लगानी गर्न चाहेको स्रोतको भनाइ छ । अहिले प्रारम्भीक चरणमा लगानीको प्रस्ताव मात्र आएकाले सम्भाव्यताको विषयमा अहिले नै भन्न नसकिने स्रोतको भनाइ छ ।
