काठमाण्डौ – प्रधानमन्त्री केपी शर्मा ओलीले समाजवाद घोषणा गर्ने समय नभएको बताएका छन् । राष्ट्रियसभा बैठकमा आउँदो आर्थिक वर्षको नीति तथा कार्यक्रममाथि सांसदहरूले उठाएका प्रश्नको जवाफ दिँदै उनले समाजवाद अहिले नै घोषणा गरेरमात्रै नहुने बताए ।
प्रधानमन्त्री ओलीले सरकारले आउँदो आर्थिक वर्षका लागि ल्याएको नीति तथा कार्यक्रम नयाँ ढङ्गले आएको दाबी गरे । नीति तथा कार्यक्रम नयाँ ढङ्गले आएको र सामाजिक न्याय समानता, सुशासन र विकासमा केन्द्रित रहेको र अठोटयुक्त, संकल्पयुक्त नीति कार्यक्रम उपयुक्त रहेको उनले जिकिर गरे ।
प्रधानमन्त्रीले सरकार समाजवादको दिशामा अघि बढिरहेको उल्लेख गरेका छन् ।
