सरकारले आगामी वर्ष २०७३/ ७४ को नीति तथा कार्यक्रम आईतबार चार बजे ल्याउने भएको छ।
व्यवस्थापिका संसदको आईतबार अपरान्ह बस्ने बैठकमा राष्ट्रपति विद्यादेवी भण्डारीले नीति तथा कार्यक्रम प्रस्तुत गर्नेछन्। त्यसका लागि ससद बैठक अपरान्ह ४ बजेका लागि बोलाईएको छ। यसैबीच, व्यवस्थापिका संसद सचिवालयले निति तथा कार्यक्रम ल्याउने दिन आईतबार अनिवार्य उपस्थितिको लागि सांसदलाई निर्देशन दिदै साढे ३ बजे भित्र आ आफ्नो सिटमा बसिसक्न निर्देशन दिएको छ।
व्यवस्थापिका संसदले आगामी बर्षको विनियोजित विधेयक बजेटका सिद्धान्त र प्राथमिकता माथिको छलफल सकि अर्थमन्त्रालयमा पठाएपछि आईतबार नीति तथा कार्यक्रम प्रस्तुत गर्न लागिएको हो। नीति तथा कार्यक्रम माथि जेठ पहिलो हप्ता सम्म संसदमा छलफल चलाउने सचिवालयले तयारी गरेको छ।
