पोखरा – अविरल वर्षासंगै गएको पहिरोले पोखराको छोरेपाटनमा रहेको एक्स आर्मी इंग्लिस बोर्डिङ स्कुल पुरिदा एक विद्यार्थीको मृत्यु भएको छ ।
विद्यालयको परीक्षा सञ्चालन भइरहँदा पहिरो आइपछि कक्षा ९ मा अध्ययनरत सञ्जय गायको मृत्यु भएको हो । उनलाई उद्धार गरी उपचारका लागि अस्पताल लाने क्रममा ज्यान गएको जिल्ला प्रहरी कार्यालय कास्कीकाले जानकारी दिएको छ ।
पहिरामा पुरिएर ८ जना विद्यार्थी र ५ जना शिक्षक शिक्षिका घाइते भएका छन् । उनीहरुको पोखराका विभिन्न अस्पतालमा उपचार भइरहेको छ ।
बुधबारदेखि भएको अबिरल वर्षातका कारण विद्यालयमाथिको ढिस्को झरेको हो । पहिरो खसेलगत्तै स्थानीयबासी र प्रहरीले उद्धार थालेका थिए ।
