Pabil News११ मंसिर, धादिङ – धादिङ जिल्लाको सदरमुकाम धादिङबेसीमा हुन गईरहेको मध्यमाञ्चल क्षेत्रीय महोत्सव २०७१ को नारा ‘ घरेलु उद्योग, कृषि, जलश्रोत, पर्यटन प्रवद्र्धन–आर्थिक समृद्धि हाम्रो अभियान ’ हुने भएको छ ।
महोत्सव मुल आयोजक समितिका संयोजक एवम उद्योग वाणिज्य संघ धादिङका अध्यक्ष कल्पना अधिकारीको अध्यक्षतामा विहीवार धादिङबेसीमा बसेको मध्यमाञ्चल क्षेत्रीय महोत्सव मुल आयोजक समितिको बैठकले उक्त नारा तय गरेको हो ।
महोत्सव मध्यमाञ्चल क्षेत्रीय स्तरको हुने भएकाले मध्य क्षेत्रको प्रतिनिधित्व गर्ने मुख्य बस्तुहरुमा घरेलु उद्योग, कृषि, जलश्रोत, पर्यटन प्रवद्र्धन रहेकाले महोत्सवको मुख्य नारा र आकर्षण पनि यसैलाई वनाईएको संयोजक अध्यक्ष कल्पना अधिकारीले वताउनु भयो । मुल आयोजक समितिको बैठकले महोत्सवको तयारी र प्रचार प्रसारका लागि समेत विभिन्न संचारमाध्यमहरुसंग सहकार्य गरी अघि बढ्ने निर्णय समेत गरेको छ ।
महोत्सवको मुख्य आयोजकमा उद्योग वाणिज्य संघ धादिङ रहेको छ भने घरेलु तथा साना उद्योग विकास समिति प्रधान कार्यालय त्रिपुरेश्वर काठमाण्डौं ,जिल्ला विकास समिति धादिङ, नीलकण्ठ नगरपालिका सह आयोजक रहेका छन । त्यसै गरी कृषि व्यवसाय प्रवद्र्धन कार्यक्रम, व्यापार तथा निकासी प्रवद्र्धन केन्द्र, नेपाल टेलिकम महोत्सवको मुख्य प्रायोजकमा रहेको महोत्सव मुल आयोजक समितिले जनाएको छ ।
मध्य नेपालका १९ जिल्लाको प्रतिनिधित्व हुने घरेलु उद्योग, कृषि, पशु उत्पादन, फलफूल, पर्यटकीय क्षेत्रको प्रचार प्रसार, औद्योगिक उत्पादनलाई महोत्सवमा समेटिने समितिले जनाएको छ । आगामी पुस ७ गते देखि १७ गते सम्म धादिङबेसीको खुल्लामञ्चमा मध्यमाञ्चल क्षेत्रीय महोत्सव २०७१ सम्पन्न हुन गईरहेको छ ।
About The Author
