अमेरिकालाई उछिन्दै चीन बन्यो बिश्वको पहिलो अर्थतन्त्र

काठमाण्डौ -१४२ बर्षसम्म बिश्वको सवैभन्दा ठूलो अर्थतन्त्रका रुपमा एकछत्र राज गरेको अमेरिकालाई चीनले पहिलोपटक उछिनेको छ ।

इन्टरनेशनल मनिटरी फण्ड (आइएमएफ)ले हालै सार्वजनिक गरेको तथ्याङ्क अनुसार चीनले अमेरिकालाई उछिन्दै बिश्वको सवैभन्दा ठूलो अर्थतन्त्र बन्न सफल भएको छ ।
चीनको अर्थतन्त्र पछिल्लो बर्ष १७६ खर्व अमेरिकी डलरको पुगेको छ भने अमेरिका १७४ खर्व डलरमा सिमित भएको छ ।

यो तथ्याङ्कअनुसार चीनले अब बिश्व अर्थतन्त्रको १६ दशमलव ५ प्रतिशत हिस्सा ओगटेको छ भने अमेरिकाले १६ दशमलव ३ प्रतिशत मात्र ।

एक दशकअघिसम्म पनि अमेरिकाको उत्पादन चीनको भन्दा तीन गुणा बढि थियो । सन् १९८० मा चीनको अर्थतन्त्र अमेरिकाको भन्दा दश गुणा सानो थियो ।
(अनलाइन खबरबाट साभार)