Mon. Jun 24th, 2024

१३ वर्ष वित्यो, आँखा अझै ओभाएन

शंकर श्रेष्ठ, धादिङ
मजदुरीका लागि देशका विभिन्न जिल्लाबाट कालिकोटकोे कोटवाडा गाविसको सुन्थराली विमानस्थल निर्माणमा संलग्न रहेको बेला सेनाले घेराबन्दी गरेर चलाएको गोलीबाट ३७ जना मजदुर मारिएको १३ बर्ष पुगेको छ ।

घटना भएको १३ वर्र्ष भईसक्दा पनि कोटवाडामा मारिएकाहरुको शव अहिलेसम्म परिवारले पाएको छैन । विमानस्थल निर्माणका लागि धादिङको जोगिमारा र धुषा गाविसबाट कोटवाडा पुगेका १७ जनाको एकै ठाउँमा हत्या भएको थियो ।

chapang 1
काठमाडौं अन्तराष्ट्रिय फिल्म फेस्टिभलमा डकुमेन्ट्री “अन्तिम यात्रा” कोटवाडामा मारिएका परिवारहरु र आफन्तको बारेमा बनेको डकुमेन्ट्री हेर्न काठमाडौ पुगेका परिवारका आफन्तजनहरु एक अन्तक्रिया कार्यक्रममा  । फोटो सौजन्य  : रेडक्रस सोसाइटी धादिङ

हत्या भएका १७ जना मध्ये चेपाङ, मगर, गुरुङ र विश्वकर्मा परिवारका सदस्य थिए । उनीहरुसंगै गोरखाका ३ जना सहित मकवानपुर र रामेछाप जिल्लाका गरी ३७ जना मजदुरलाई माओवादी हुनसक्ने आशंकामा २०५८ फागुन १२ गते सुरक्षा फौजले गोली हानी हत्या गरेको थियो । घेराबन्दी गरेर चलाएको गोलीबाट ३७ जना एकै चिहान भएका थिए ।

कोटवाडा घटनाको सर्वत्र विरोध भएपछि लोकतन्त्र बहाली पछिको सरकारले त्यहाँ मारिएका मजदुरका परिवारलाई प्रतिव्यक्ति १० लाख रुपैंयाका दरले राहत दिने निर्णय गरेको थियो । कोटवाडा घटना हुनु केही दिन अघि मात्रै तत्कालिन माओवादीले अछाम सदरमुकाम मंगलसेन आक्रमण गरेर भागेका थिए ।

माओवादीलाई पछयाउँदैै आएको सेनाको हेलिकप्टर बस्न नदिन माओवादीले कामदारलाई हातमा समाएका बेल्चा, गैटी, साबेल ठड्याउन लगाएर माओवादीहरु भने त्यहाँबाट सुरक्षित स्थलतर्फ भागेका थिए । माओवादी त्यहाँबाट भागेपछि सेनाले घरभित्र बसिरहेका मजदुरहरुलाई माओवादीको आशंकामा विना सोधखोज, विना पहिचान घर बाहिर निकालेर कन्चटमा गोली हानेर मारेका थिए ।

कमाउन गएका घर मुली तथा परिवारका सदस्यहरु मारिएपछि जोगिमाराका विपन्न चेपाङ र दलित परिवारको बिचल्ली भएको छ । सरकारले भने घटना भएको १३ वर्ष पुरा हुँदा समेत केही सहयोग नगरेको आरोप पिडित परिवारको छ । दशलाख दिने भनेर आस देखाएको पनि अहिले सरकारले बेवास्था गरेको पिडितको भनाई छ ।

chapang 2
मारिएका आफन्तको सम्झनामा परिवारहरुले जोगिमारा ५ हेक्राङमा बनाएको स्तम्भको उद्घाटन गर्दै अन्तराष्ट्रिय रेडक्रस एवं नेपाल रेडक्रसका प्रतिनिधीहरु ।               फोटो सौजन्य : रेडक्रस सोसाइटी धादिङ

कालिकोटको कोटबाडा विमानस्थलमा ज्यान गुमाएका मजदुरहरुको सम्झनामा आईसीआरसीे र नेपाल रेडक्रस सोसाईटी धादिङले जोगीमाराको हेक्रङ्गमा संम्झनाका लागी एक स्मारक र प्रतिक्षालय निमार्ण गरिदिएको छ । कोटवाडामा मारिएकाहरुको सामुहीक अन्त्यष्टि गराईएको विषयलाई समेटेर अन्तिम यात्रा नामक वृत्त–चित्र पनि तयार गरेको छ ।

तर, कालिकोट घटनामा परी मृत्यु भएका परिवारको आँखामा आशु भने अझै ओभाउन सकेको छैन । अब आशु झार्दै सम्झन बाहेक केही नभएको हेक्राङका बुद्धिसरा चेपाङले आँसु झार्दै विलौना गरिन् । कसैको छोरा याद, कसैको श्रीमानको याद त कसैको बुवाको यादमा पीडित परिवारको आँखामा आँसुको भल अझै रोकिएको छैन ।

kalikot chepang.psd

About The Author

Loading...

अन्य समाचारहरु: