निलकण्ठ नगरपालिकामा फ्री वाई फाई जडानको समझदारी पत्रमा हस्ताक्षर

१७ कात्तिक, धादिङ

निलकण्ठ नगरपालिकालाई फ्री वाई फाइ वनाउने योजनाका साथ माईक्रोसफ्ट ईनोभेन्स सेन्टर संग समझदारी पत्रमा हस्ताक्षर भएको छ ।

नगरपालिकामा ईन्टरनेट विस्तार गरी नमुना शहर वनाउनको लागि समझदारी पत्रमा हस्ताक्षर भएको हो ।
माईक्रोसफ्ट ईनोभेन्स सेन्टर संग पाँच वर्षको लागि सो पत्रमा हस्ताक्षर भएको छ । निलकण्ठ नगरपालिकाका मेयर भिम प्रसाद ढुङगाना र माईक्रोसफ्ट इनोभेन्स सेन्टरका कन्ट्रि डाईरेक्टर एल एन तुलाधरले हस्ताक्षर गरेका थिए ।

माईक्रोसफ्ट ईनोभेन्स सफ्टवेयले विश्वभरका प्रविधीमध्ये सुचना तथा संचारको क्षेत्रमा छिठो र छरीतो काम गर्दछ ।
निलकण्ठ नगरपालिकामा फ्री वाई फाई जडान गर्नको लागि आवश्यक सामाग्री माईक्रोसफ्ट ईनोभेन्स सेन्टरले सहयोग गर्ने भएको हो ।
नगरपालीकाका १४ वटै वडामा अब बन्ने नयाँ भौतिक संरचनाहरुलाई प्रविधी मैत्री बनाई सेवाग्राहीलाई अनलाईन प्रणाली मार्फतसेवा सुविधा उपलब्ध गराउने उद्देश्यले उक्त कार्यक्रम सञ्चालनमा ल्याएको हो ।

नीलकण्ठ नगरपालीकाले नगरलाई स्मार्ट सीटी बनाउने पहिलो कदम चालेको छ ।
सोही कार्यक्रममा नीलकण्ठ नगरपालकिाका मियर भीम प्रसाद ढुङानाले नगरबासीले गर्व गर्ने नगर बनाउने जानकारी दिए ।

२०७४ कात्तिक १७ गते प्रकाशित