धादिङको गजुरीमा दुर्घटना हुदाँ एकजनाको मृत्यु, ७ घाईते

२१ माघ, धादिङ –

पृथ्वी राजमार्ग अन्र्तगत धादिङको गजुरी गाउँपालिका वडा नं ६ जहरेमा आइतबार दिउँसो माइक्रो र ट्रक एक आपसमा ठोक्किदाँ एक जनाको घटनास्थलमा नै मृत्यु भएको छ । भने ७ जना घाईते भएका छन् ।

मृत्यु हुनेमा गोरखा घर भएका सुजित श्रेष्ठ रहेको जिल्ला प्रहरी कार्यालय धादिङले जानकारी दिएको छ । गोरखाबाट काठमाडौँ जाँदै गरेको ना २ ख ८७९० नम्बरको माइक्रोबस विपरित दिशाबाट आउँदै गरेको ना ७ ख ६०१९ नम्बरको ट्रकसँग ठोक्किएको थियो ।

दुर्घटनामा गम्भीर घाईते भएका ४ जनालाई काठमाडौँ पठाइएको छ भने सामान्य घाईते ३ जनाको स्थानीय स्वास्थ्यसंस्थामा उपचार भइरहेको इलाका प्रहरी कार्यालय धादिङका प्रहरी निरीक्षक संजय तिमिल्सीनाले जानकारी दिए ।

२०७४ माघ २१ गते प्रकाशित