Pabil News
२२ बैशाख, धादिङ –
धादिङको गजुरी गाउँपालिका वडा नं २ मलेखु नजिकै त्रिशुली नदिमा पल्टिएको ग्याँसको बुलेटबाट ग्याँस चुहिन थालेपछि स्थानीय त्रसित भएका छन् ।
गत बैशाख १४ गते काठमाडौँ जाँदै गरेको एचआर ५५ क्यु ८६३० नम्बरको लोड ग्याँस पृथ्वीराजमार्गबाट त्रिशुली नदिमा पल्टिएको थियो ।
एक सातासम्म उक्त बुलेट झिक्न कसैले पनि चासो देखाएका छैनन् । उक्त बुलेट सिद्धार्थ ग्यास उद्योगको भएको प्रहरीले बताएको छ । पल्टिएको ग्याँसको बुलेट पानीको सतह बढ्दा पानीले बुलेट फेरी पल्टाएपछि ग्याँस गनाउने गरेको मलेखुका स्थानीयले बताए ।
दुर्घटनामा चालक भारत घर भएका ३६ वर्षीय सुरेन्द्र सिंहको घटनास्थलमा नै मृत्यु भएको थियो ।
२०७५ बैशाख २२ गते प्रकाशित
About The Author
