Pabil News
फाइल फोटो
११ असार, धादिङ –
अविरुल वर्षासँगै गएको पहिरोले अवरुद्ध पृथ्वी राजमार्ग सूचारु भएको छ ।
सोमबार बिहानदेखि गएको पहिरोले जिल्लाको बेनिघाट रोराङ गाउँपालिका वडा नं १० जोगिमाराको तिक्रङ्ग खानी भन्ने ठाँउमा सडक भन्दा माथि बाट बगेर आएको पहिरोका कारण राजमार्ग अवरुद्ध भएको थियो ।
राजमार्ग अबरुद्ध भएपछि पूर्वपश्चिम चल्ने सवारी सडकमा नै रोकिएको थियो ।
नेपाल प्रहरी शसस्त्र प्रहरी र सडक विभागको डोजरले लोदो र पहिरो पन्छाउने काम गरिरहेको थियो । ५ वटा मेसिनको सहायताले पहिरो पन्छाइएको धादिङका प्रहरी नायव उपरीक्षक रामबहादुर केसीले जानकारी दिए ।
लोदो माटोले एउटा दुध बोक्ने ट्याङ्ककरलाई समेत पुरेको थियो ।
२०७५ असार ११ गते प्रकाशित
About The Author
