Tue. Feb 18th, 2020

समुदायमा भैरवी सहकारी विस्तार गर्न छलफल


४ माघ, धादिङ –


समुदायमा सहकारीलाई स्थापित गराउन भैरवी सहकारीले छलफल गरेको छ । आर्थिक अभाव तथा कुनै पनि समस्याका कारण उपचार तथा अन्य समस्या भोग्नु नपरोस् भन्ने उद्देश्यका साथ विभिन्न समुदायका मानिसहरुसँग अन्र्तक्रिया गरेको हो ।

समुदाय माझमा सहकारी राम्रो हुन नियमित बैठक, योजनाबद्ध क्रियाकलाप, नियमित र उचित बचत र असूलिको दर, योग्य नीतिनियमको व्यवस्था,सदस्य र पदाधिकारीहरुमा सक्रिय सहभागिता र बाहिर सुमधुर सम्बन्ध जस्ता पक्षमा दरिलो हुनुपर्ने सहभागीहरुले बताएका छन् ।

सहकारीले समुदायमा आफुमा भएका ज्ञान, सीप, अनुभव एवं पूँजीको अधिकतम प्रयोग गरी प्रविधिको विकासमा सहयोग गर्ने, जीविकोपार्जन सुधारका कार्यक्रमहरु संचालन गर्ने, वस्तु तथा सेवाका उत्पादन र उत्पादकत्वमा वृद्धि गराई मुलुकलाई आत्मनिर्भर बनाउन आर्थिक विकासमा महत्वपूर्ण भूमिका खेल्ने गर्दछ ।

सहकाररीले समुदायमा सदैव सबैको उन्नत जीवन र खुसीयालीका लागि पुँजीको श्रृजना गर्नु रहेको र सोका लागि समुदायलाई सहकारीमा ल्याउने र उनीहरुको जीविकोपार्जन सुधार कार्यमा अग्रणी भूमिका निर्वाह गर्ने बताइएको छ ।

भैरवी बचत तथा ऋण सहकारी संस्था लिमिटेडको आयोजनामा भएको कार्यक्रममा विभिन्न टोलसुधार समितिका प्रतिनिधिहरुको सहभागीता रहेको थियो । कार्यक्रम सहकारीका अध्यक्ष ईश्वरकुमार श्रेष्ठको अध्यक्षतामा भएको हो ।

२०७६ माघ ४ गते प्रकाशित

Loading...