![](https://www.pabilnews.com/wp-content/uploads/2021/10/20211025_201833-1024x576.jpg)
धादिङ– कपाल र दारी पनि सेतै फुलिसकेका छन् । झट्ट हेर्दा मधेसी मुलका देखिन्छन् । अन्दाजी ६० बर्षका छन् । बोल्ने कोसिस गर्छन्, सक्दैन ।
कालो, दुब्लो शरीर भएका यी ब्यक्ति सोमबार दिउसोदेखि धादिङ अस्पतालको बेडमा जीवन र मृत्युको दोसाँधमा छट्पटाईरहेका छन् ।
![](https://www.pabilnews.com/wp-content/uploads/2021/10/20211025_201712-1024x576.jpg)
धादिङकै गजुरीबजारको सडकमा बिरामी अवस्थामा भेटिएका यी ब्यक्तिलाई प्रहरीले अस्पतालसम्म ल्याइदिएका हुन् । कात्तिक ७ गते आइतबार भेटिएका उनलाई गजुरी प्राथमिक स्वास्थ्य केन्द्रमा उपचारपछि प्रहरीले धादिङ अस्पताल ल्याएर छोडिदिएका छन् । अहिले धादिङ अस्पतालको बेड नम्बर १२ मा छन् ।
उनलाई अक्सिजन दिएर राखिएको छ । औषधि खुहाउने पनि कोहि छैनन् । तिर्खाएको बेला पानी खुहाइदिनेसम्म छैनन् । अवस्था गम्भीर रहेको अस्पतालका सूचना अधिकारी बिक्रम बि.क.ले बताए ।
![](https://www.pabilnews.com/wp-content/uploads/2021/10/20211025_201511-768x1024.jpg)
अहिलेसम्म अस्पतालले निशुल्क उपचार गरिरहेको छ । तपाईको घर भारत हो? भनेर सोध्दा ‘हो’ भनेझै गर्छन्, बोल्न सक्दैनन् ।
यी ब्यक्तिको आफन्त परिवारलाई चिन्नुहुनेले धादिङ अस्पतालको सूचना अधिकारीको फोन नम्बर ९८५११८२५९४ मा सम्पर्क गर्न अस्पतालले आग्रह गरेको छ ।