Tue. Mar 19th, 2024

रसुवागढी हाइड्रोपावरको आइपिओ आज अन्तिम

रसुवागढी हाइड्रोपावर कम्पनी लिमिटेडको आईपीओमा आवेदन दिने सोमबार (आज) अन्तिम दिन रहेको छ। कम्पनीले आयोजना प्रभावित क्षेत्रका स्थानीय बासिन्दाहरुका लागि आईपीओ निष्काशन गरेको थियो।

कम्पनीले स्थानीय बासिन्दाहरुका लागि छुट्याएको ६८ लाख ४२ हजार १०० कित्ता साधारण सेयरमा आवेदन दिने समय आज अन्तिम हो ।

सेयरमा अति प्रभावित क्षेत्र गोसाइँकुण्ड गाउँपालिका वडा न्मबर १ थुमन र वडा नम्बर २ टिमेरे, प्रसारण लाइनबाट प्रभावित हुने आमाछोदिङमो गाउँपालिका वडा नम्बर ४ गोल्जुङ र वडा नम्बर ५ चिलिमेका स्थानीयबासीले आवेदन दिन सक्नेछन्।

यसैगरी, गोसाइँकुण्ड गाउँपालिकाका बाँकी वडाहरू वडा नम्बर ४ लाङटाङ, वडा नम्बर ५ स्याफ्रुबेशी र वडा नम्बर ६ धुन्चे तथा सामान्य प्रभावित बाँकी सम्पूर्ण जिल्लाका बासिन्दाहरुले आवेदन दिन सक्ने कम्पनीले जनाएको छ। निष्काशन गरिएको कुल १० प्रतिशत सेयरमा अति प्रभावित क्षेत्र, प्रभावित क्षेत्र र सामान्य प्रभावित क्षेत्रका बासिन्दाहरुका लागि क्रमशः ४.५ : १.५:१ अनुपातमा बाँडफाँट गरिने जनाएको छ।

About The Author

Loading...

अन्य समाचारहरु: