Sun. May 19th, 2024

त्रिभुवन अन्तर्राष्ट्रिय विमानस्थलले रोकिदियो निगमको दिल्ली उडान

काठमाडौँ — २ सय ५४ जना यात्रु लिएर भारतको नयाँदिल्ली उड्न लागेको नेपाल वायुसेवा निगमको वाइडबडीको आरए २१७ उडान त्रिभुवन अन्तर्राष्ट्रिय विमानस्थलले रोकिदिएको छ ।

नागरिक उड्डयन प्राधिकरणले जाडो यामका लागि स्वीकृत गर्ने अन्तर्राष्ट्रिय उडानहरूको तालिका अक्टोबर ३० देखि मार्च २७ सम्म मा निगमको आइतबार र शुक्रबार दिउँसो पौने २ बजे दिल्लीका लागि काठमाडौंबाट हुने उडान कटौती गरेको जनाउँदै त्रिभुवन अन्तर्राष्ट्रिय विमानस्थलका महाप्रबन्धक प्रेमनाथ ठाकुरले आइतबार उडान रोकिदिएको निगमका उपनिर्देशक रमेश पौडेलले बताए ।

‘हामी ग्रीष्मयामको तालिका ९मार्च २८ देखी अक्टोबर २९ सम्म० मा दिल्लीका लागि हप्तामा सातै दिन दिउँसो उडान गर्दै आएका थियौं,’ वाणिज्य विभागका उपनिर्देशक पौडेलले भने,‘आजदेखि सुरु हुने ५ महिना लामो विन्टर सेड्युलमा आइतबार र शुक्रबारको उडान प्राधिकरणले कटौती गरिदिएछ ।’

उनले प्राधिकरणले निगम र हिमालय एयरलायन्सलाई भैरहवाबाट पनि उडान सुरु गर्न भनेको तर आफूहरूले त्यहाँ यात्रु अभावका कारण तालिका नराखेकाले काठमाडौंमा दिउँसो सातै दिन दिल्लीका लागि हुँदै आएको उडानमा दुईवटा उडान प्राधिकरणले कटौती गरिदिएको पौडेलले बताए ।

About The Author

Loading...

अन्य समाचारहरु: