२२ भदौ, धादिङ – धादिङ सदरमुकाम धादिङबेसी नगरपालिका ३ शान्तबजार स्थित प्रगतिटोलमा मंगलबार खानेपानीको पाइपमा कुहिएको मुसा, कुहिएको आन्द्रा अड्किएको फेला परेको छ ।
स्थानीय कृष्णप्रसाद सिलवालको घरमा मेन लाइनबाट पाइप जोडेको ठाँउमा पानी नआएपछि खानेपानीको प्रतिनिधिलाई बोलाएर पाइप काट्न लगाउँदा यस्ता बस्तुहरु भेटिएको हो ।
यस क्षेत्रमा तीनदिनदेखि पाइप लाइनमा गन्हाउने खानेपानी आएको स्थानीयहरुको भनाई छ । अहिले त्यस ठाँउको पाइप लाइन काटिएको छ ।
धमिलो पानीले टोलका मानिसहरुलाई वाकवाकि लाग्ने समस्या भएको सिलवालले जानकारी दिए ।
फोटो सौजन्य : सुजन रेग्मी