२५ मंसिर, काठमाडौ- बिहेको सिजन चलिरहेका बेला सुन झन् महँगिएको छ । सुनचाँदी व्यवसायी महासंघको तथ्यांक अनुसार बुधबार सुनको भाउ एकै दिन १ हजार २ सय रुपैयाँले बढेको छ । अन्तर्राष्ट्रिय बजारमा भाउ बढेकाले त्यसको असर यहाँ परेको व्यवसायी बताउँछन् ।
अन्तर्राष्ट्रिय बजारमा बुधबार प्रतिऔंस सुन ३२ अमेरिकी डलरले बढेको छ ।
मंगलबार प्रतिऔंस १२ सय अमेरिकी डलरमा कारोबार भएको सुन बुधबार १२ सय ३२ डलरमा
कारोबार भएको छ । महासघका अनुसार बुधबार प्रतितोला छापावाला सुन ५२ हजार ३ सय ९दस ग्राममा ४४ हजार ८ सय ४०० रुपैयाँमा कारोबार भएको छ । मंगलबार प्रतितोला ५१ हजार १ सय ९दस ग्राममा ४३ हजार ८ सय १०० रुपैयाँमा कारोबार भएको थियो ।
सेयर बजारमा गिरावटसँगै लगानीकर्ता सुरक्षित लगानीतर्फ आकर्षण भएकाले पनि घटेको व्यवसायीहरू बताउछन् । अन्तर्राष्ट्रिय बजारमा सेयर मार्केट घट्ने क्रममा छ ।
लगानी सुरक्षित गर्न उपभोक्ताहरू सुनमा आकषिर्त भएका छन्, महासंघका पूर्वअध्यक्ष तेजरत्न शाक्यले
भने, यसले गर्दा भाउ बढेको हो । उनले युरोका तुलनामा डलर केही कमजोर भएकाले पनि भाउमा असर गरेको बताए ।
सुनको भाउ अस्थिर भएको केही दिन उत्तारचढाव हुने व्यवसायीहरू बताउँछन् । यस्तै, चाँदीको भाउ पनि २५ रुपैयाँले बढेको छ ।
(इ-कान्तिपुर अनलाइनबाट साभार)
