१७ वैशाख, काठमाडौं – 

प्रमुख प्रतिपक्षी दल एमालेले तीन सर्त पूरा गरे बजेटअघि गर्नेगरी स्थानीय तहको चुनाव मिति सार्न सकिने निष्कर्ष निकालेको छ । स्थायी कमिटीको शनिबारको बैठकले यस्तो निष्कर्ष निकालेको हो ।

बैठकपछि एमालेका एक नेताले भने सहमतिको वतावरण बन्छ भने वैशाख ३१ को मिति एक–दुई साता पर सार्न सकिन्छ तर, त्यसका लागि हामीले तीन सर्त राखेका छौं । उनका अनुसार एमालेले चुनावको मिति केही दिन पर सार्न सरकारले संविधान संशोधन विधेयक फिर्ता लिनुपर्ने, बजेटअघि तर एकै चरणमा चुनाव गराउनुपर्ने र मधेसी मोर्चा पनि चुनावमा आउने ग्यारेन्टी हुनुपर्ने सर्त अघि सारेको छ ।

फागुनमा वैशाख ३१ गते एकै चरणमा मुलुकभर स्थानीय चुनाव गर्ने घोषणा गरेको सरकारले आन्दोलनरत मधेसी मोर्चालाईपनि सहभागी गराउन भन्दै एक साताअघि दुई चरणमा गर्ने निर्णय गरेको छ । नागरिक दैनिकबाट

२०७४ बैशाख १७ गते प्रकाशित