Pabil News
२० असार, धादिङ –
धादिङको क्षेत्र नं २ (क) का प्रदेश सभा सांसद डा. रामकुमार अधिकारीलाई नबिल विज्ञान तथा प्रविधि पुरस्कार प्रदान गरिएको छ । विभिन्न ठाउँमा रहेर विज्ञान तथा प्रविधि विकासमा मद्दत पु¥याए बापत पुरस्कार प्रदान गरिएको हो ।
नेपाल विज्ञान तथा प्रविधि प्रतिष्ठान (नास्ट)ले खुमलटारस्थित कार्यालय परिसरमा आयोजना गरेको कार्यक्रममा देशका विभिन्न भागमा रहेर विज्ञान प्रविधिका क्षेत्रमा योगदान दिने व्यक्तिहरु पुरस्कृत भएका हुन् ।
सो अवसरमा तथा प्रविधि प्रज्ञा पुरस्कार डा महेशकुमार अधिकारी, विज्ञान पुरस्कार डा सोमनाथ सोपकोटा र प्रविधि पुरस्कार डा हेमराज पन्तले प्राप्त गरे । नास्टले विज्ञान तथा प्रविधि पुरस्कार डा नारायणप्रसाद गैरे, डा विष्णुप्रसाद पाण्डे, डा प्रमोद पौडेल, डा दीपनारायण शाह र प्रेम सिंह साउद गरेर पाँच जनालाई संयुक्त रुपमा प्रदान गरेको छ ।
प्रज्ञा प्रतिष्ठान विज्ञान तथा प्रविधि प्रवद्र्धन पुरस्कार रोबोटिक्स क्लब, पुल्चोक र सुरेश भट्टराईले प्रदान गरे। दयानन्द बज्राचार्य अनुसन्धान पुरस्कार प्रतिक्षा चालिसे र रोशन नेपालले प्रदान गरे । नास्टले विज्ञान तथा प्रविधि पत्रकारिता पुरस्कार लक्ष्मण डंगोललाई प्रदान गरेको छ ।
नबिल विज्ञान तथा प्रविधि पुरस्कार डा मुकेशकुमार चालिसे, डा अमरप्रसाद यादव र डा रजनी मल्ललाई प्रदान गरिएको छ । नास्टले फणिन्द्रप्रसाद न्यौपाने अनुसन्धान पुरस्कार मोहन महतो, मोहनध्वज बस्नेत प्रज्ञा पुरस्कार ऊर्जा अध्ययन केन्द्र, इञ्जिनियरिङ अध्ययन संस्थानलाई प्रदान गरेको छ । यस वर्षका भुवनेश्वर प्रविधि पुरस्कार हिमालयन ब्रिक प्रालि र जीतबहादुर नकर्मी धातु प्रविधि पुरस्कार भोजपुरस्थित उर्मिला आरन उद्योगले प्राप्त गरेका छन् ।
२०७५ असार २० गते प्रकाशित
About The Author
