२९ जेठ, धादिङ
धादिङ बोर्डिङ माद्यमिक विद्यालयले प्रथम मेयर कप तथा प्रथम नगर स्तरीय राष्ट्रपति रनिङ शिल्ड खेलकुदमा विद्यालयको तर्फबाट सहभागी भइ विजयी भएका खेलाडीहरुलाइ सम्मान गरेको छ ।
विद्यालयमा अध्ययन गरि खेलकुदको माद्ययमबाट समेत विद्यालयको नाम चम्काएको भन्दै खेलाडी विद्यार्थीहरुलाइ विद्यालयको तर्फबाट बधाइ तथा धन्यवाद ज्ञापन गरि नगद पुरस्कार सहित सम्मान गरेको विद्यालयले जनाएको छ ।
प्रथम मेयर कप भलिवल प्रतियोगीतामा धादिङ बोर्डिङ छात्रतर्फ प्रथम भएको थियो भने छात्रा तर्फ सात्वना स्थान हाँसिल गरेको थियो । त्यस्तै छात्र भलिवल तर्फ धादिङ बोर्डिङकै खेलाडी राजकुमार तामाङ उत्कृष्ट खेलाडी घोषित भएका थिए ।
प्रथम हुने खेलाडीलाइ नगद ३ हजार ५ सय र सात्वना हुने खेलाडीहरुलाइ जनही १ हजार रुपैयाद्धारा तथा उत्कष्ट खेलाडी घोषित राजकुमार तामाङलाइ थप नगद ५ हजारद्धारा सम्मान गरिएको शिक्षक अभिषेक बसौलाले जानकारी दिनुभयो । आगामी दिनमा अध्ययन संगसंगै अतिरिक्त क्रियाकलाप र खेलकुदका गतिविधिलाइ अझ फराकिलो बनाउदै लैजाने विद्यालयले जनाएको छ ।
