काठमाडौं – मिस नेपाल २०२४ को यात्रा भरतपुरदेखि सुरु भएको छ । बुधबार आयोजित पत्रकार सम्मेलनमा आयोजक संस्था द हिडन ट्रेजरका निर्देशक सुवर्ण क्षेत्रीले क्षेत्रीय अडिसनको थालनी शुक्रबार भरतपुरबाट हुने जानकारी दिए ।
पत्रकार सम्मेलनमा मिस नेपाल सृच्छा प्रधान र मिस नेपाल इन्टरनेसनल प्रसिद्धि शाह पनि सहभागी थिए । निर्देशक क्षेत्रीले आवेदन खुला भएको जनाउँदै योग्य र इच्छुक युवतीलाई प्रतिस्पर्धामा सहभागी हुन आग्रह गरे । व्यक्तित्व विकास र सशक्तीकरणको लागि मिस नेपालजस्ता प्लाटफर्मले भूमिका खेल्ने उनले बताए ।
मिस नेपाल सृच्छा र मिस इन्टरनेसनल प्रसिद्धिले अनुभव सुनाउँदै प्रतिस्पर्धामा आउन युवतीलाई आग्रह गरे । शुक्रबार अडिसन हुने र छुटेकाले मे १८ मा काठमाडौंमा हुने अडिसनमा सहभागी हुन पाउने हिडन ट्रेजरले जनाएको छ ।
जेठ १ गतेसम्मइच्छुक युवतीले आवेदन दिन सक्ने जनाइएको छ ।
